Paddle Surf Erraldoia

Uretan, dibertigarria, famimilia guztiarentzat? Bai, KOASTA-n ezaugarri guzti hauek betetzen dituen jarduera dugu. Paddle surf erreldoia edo Big SUP-a. Taldean probatzeko aproposa, bakoitzak pala bat hartuta eta taula gainean zutik, denak batera egin beharko duzue arraun. Hau bai erronka latza!

Irakasleak oreka mantentzeko oinarrizko trikimailuak erakutsiko dizkizue. Bere lana izango da partehartzaile guztiak koordinatzea taldeak aurrea egin dezan; guztiak taula gainean zutik egonda, ez da izango lan erraza. Baina emandako azalpenak jarraitzen badituzue, lortuko duzue.

Taldeko kide guztiek egin beharko duzue arraun Ondarroako uretan egiteko duzuen ibilbidea burutzeko. Konturatu orduko pasatuko zaizue denbora, barre algara artean, tokiko paisaiaz gozatzen duzuen bitartean.

Iraupena: 1h30
Prezioa: 25,90€

Erreserbatu

Oharrak: Ezinbestekoa da igeri egiten jakitea. Jarduera burutzeko 6 laguneko gutxieneko taldea osatu behar da. Parte hartzeko gutxieneko 8 urtekoa izango da. Gazteagoak parte hartzeko baldintzak kontsultatu.

Zer dago barne: Irakasle-gida titulatua. Materiala: Big SUP/SUP/KAYAK, pala eta txalekoa, Asegurua: RC eta istripuetakoa. Objektu pertsonalak gordetzeko aukera. BEZ-a.

Ondarroa EAEko hiriburu nagusietatik, Bilbo, Donostia eta Gasteiztik, ordubetera dago. Hiriburuetatik ibilgailu partikularrean etortzeko asmoa baduzue, A8 autopista hartuta, irteera desberdinak daude Ondarroara iristeko:
Hauek dira irteerak:
· Donostiatik: 54. irteera: Itziar-Deba
· Gasteiztik: 14. irteera: Elgoibar
· Bilbotik: 84. irteera: Matiena eta 88. irteera: Iurreta
· Behin Ondarroara iritsita, Arrigorri hondartzan aurkituko gaituzue.

Garraio publikoan etortzea bada zuen asmoa, ondorengo autobus-lineak dituzue:
· Bizkaibus A3915: Ondarroa - Ermua - Bilbao
· Bizkaibus A3916: Ondarroa - Durango - Bilbao
· Lurraldebus DB03: Lekeitio - Ondarroa - Donostia
· Lurraldebus BD04: Mallabia - Deba - Ondarroa
Udako egunetan hondartzatik gertu apakalekua aurkitzea ez da izaten lan makala. Aukerarik onena Zaldupe eskola publikoaren alboan dagoen doako aparkalekuan kotxea utzi eta ibai ondotik hondartzara oinez etortzea da. 10 minutuko ibilaldi atsegina da hondartzara eramango zaituena.
Bestalde, aurrean dugun Saturrarango hondartzak aparkaleku handi bat du. Bi hondartzak elkartzen dituen pasealekutik 5 minututan iritsiko zarete Arrigorri hondartzara. Mutrikuko udalak kontrolatzen duen aparkaleku honetan aparkatzeko, uda garaian, ordaindu beharra dago.
Eguzkitako krema, toalla, uretako arropa egokia (bainujantzia, kamiseta, neoprenoa…) eta aldatzeko arropa.
Egun pasa etortzeko asmoa baduzue, aukera zabala aurkituko duzue Ondarroako jatetxe eta tabernetan, pintxo, parrila, plater edo kazuelitak dastatzeko. Osatu zuen eguna bertako gastronomia dastatuz.

Koasta Ondarroa