Gure kostaldeak gordetzen dituen sekretu ederrenak ezagutzeko Kayak eta Paddle Surf ibilbideak diseinatu ditugu. Inguratzen gaituen paisaiaren edertasunaz gozatzea izango da helburu nagusia. Ibilbide guztiak Arrigorri hondartzan dute hasiera eta amiera puntua. Gure gida profesionalek bertako kulturaren, tokiko ekosistemen eta formazio geologiko berezien inguruko hainbat ezagutza eskainiko dituzte.
Ondarroako badia, Gipuzkoa eta Bizkaia arteko muga geografikoan aurkitzen da. Bertan Arrigorri eta Saturraran hondartzak daude, barrako muturra eta Ezkilantxarri harkaitzak eskaintzen dieten babesean. Ibilbidean zehar Saturraran hondartza eta Euskal Kostaldeko Geoparkeko itsaslabarrak bisitatuko dira. Gidaren interpretazio lanari esker, Geoparkearen zati honen garrantzi geologiko eta ekologikoari buruzko hainbat bitxikeria ezagutuko ditu bisitariak.
Ondarroa, izenak dion bezala, hondar ahoa, hondarrez betetako Artibai ibaiaren itsasadarrean kokatzen da. Inguru honek hainbat aldaketa jasan ditu historian zehar, batik bat herriko ogibide nagusi izan den arrantza industriaren premietara egokituak.
Arrigorri hondartzatik abiatuta, ibaian gora igoko gara. Bidean, Ondarroako zubi esanguratsuenen azpitik igaroaz, herriko alde zaharreraino, lehengo denboretan arrantza ontziek egiten zuten bidea irudikatuz. Ibaiak eskaintzen duen praktikarako lasaitasun eta segurtasunaz gozatzen dugun bitartean, Ondarroa hobeto ezagutzeko aukera izango dugu.
Aieriko padura Ondarroako hegoaldean kokatzen da eta Kontserbazio Bereziko Eremu, KBE, izendatua dago. Arrigorri hondartzatik abiatuta, Ondarroa zeharkatuko dugu Artibai ibaian gora, marearen norantza baliatuz. Herria atzean utzita, Aieriko padurara iritsiko gara, hainbat landare eta animaliaren bizilekua.
Euskal Kostaldeko Geoparkea Saturraran hondartza eta Zumaia artean kokatzen da. Paisaia ederra, Kantauri itsasoaren ertzean garaiera handiko itsaslabarrak, ekosistema berezia duen marearte zabalgunera erortzen dira. Itsaslabar hauek, lurraren historia geologikoaren kapituluak ulertzeko aukera eskeintzen dute. Ibilbidean, UNESCOren munduko geoparke izendapena eskuratu zuen eremu honen garrantzia geologiko, ekologiko eta paisajistikoaz hainbat ezaugarri ikasiko dira.
Euskal Herrian, atlantiar isurialdeko orografia malkartsuak Kantauri itsasoarekin nola nola topo egiten duen eta horrek bertako biztanleon bizimodua nola baldintzatu duen ezagutzeko aukera eskaintzen duen ibilbidea da hau. Arrigorri hondartzan hasita, mendebalderako bidea hartzen da, talaia zaharren azpitik igaroaz. Euskal kostaldearen zatirik ezezagunenetako baten murgilduko gara. Garaiera handiko tontorretatik, itsaslabarrak sakonera handiko uretara pasatzen dira oso tarte txikian, erliebe ikusgarria eskainiz. Era honetan, gizakia orografia honetan bizitzera nola egokitu den ezagutuko du, kostaldeko errepide sigi-sagatsua orografiaren ezaugarrietara nola egokitzen den ikusiz. Ibilbidearen helburua, Peñafraile izeneko kala ingurura iristea da, Atxazpiko zubiaren azpian. Bertan indarrak hartzeko hamaiketako bat egingo dugu.
Errenteriatik abiatzeak, Aieriko padura bisitatzeko aukera eskainiko digu, Artibai ibaian behera doazen urek Kantauri itsasoko urekin topo egiten duten lekua. Babestutako eremu hezegune honetan, hainbat hegazti, arrain eta ugaztunek aurkitzen dute bizilekua eta babesa. Aurrera jarraitu ahala, Ondarroako eraikinen artean murgilduko gara, herria bisitatzeko beste ikuspuntu batez gozatuz. Azkenik, badian, ibilbideari amaiera emango diogu Arrigorri hondartzan lehorreratuz.
Adierazitako prezioak pertsonako dira, 4 lagunetik gorako taldeei aplikagarriak.
2 edo 3 parte-hartzaileko taldeei aplikatuko zaizkien prezioak kontsultatzeko, egin zure aukeraketa.
91,80€
Oharrak: Ezinbestekoa da igeri egiten jakitea. Jarduera burutzeko 4 laguneko gutxieneko taldea osatu behar da. Parte hartzeko gutxieneko adina 14 urte. Gazteagoak heldu batek lagunduta egingo dute jarduera. 14 urtetik beherakoentzako tarifak eta baldintzak kontsultatu.
Zer dago barne: Irakasle-gida titulatua. Materiala: Big SUP/SUP/KAYAK, pala eta txalekoa, Asegurua: RC eta istripuetakoa. Objektu pertsonalak gordetzeko aukera. BEZ-a.
Ondarroa EAEko hiriburu nagusietatik, Bilbo, Donostia eta Gasteiztik, ordubetera dago. Hiriburuetatik ibilgailu partikularrean etortzeko asmoa baduzue, A8 autopista hartuta, irteera desberdinak daude Ondarroara iristeko:
Hauek dira irteerak:
· Donostiatik: 54. irteera: Itziar-Deba
· Gasteiztik: 14. irteera: Elgoibar
· Bilbotik: 84. irteera: Matiena eta 88. irteera: Iurreta
· Behin Ondarroara iritsita, Arrigorri hondartzan aurkituko gaituzue.
Garraio publikoan etortzea bada zuen asmoa, ondorengo autobus-lineak dituzue:
· Bizkaibus A3915: Ondarroa - Ermua - Bilbao
· Bizkaibus A3916: Ondarroa - Durango - Bilbao
· Lurraldebus DB03: Lekeitio - Ondarroa - Donostia
· Lurraldebus BD04: Mallabia - Deba - Ondarroa
Udako egunetan hondartzatik gertu apakalekua aurkitzea ez da izaten lan makala. Aukerarik onena Zaldupe eskola publikoaren alboan dagoen doako aparkalekuan kotxea utzi eta ibai ondotik hondartzara oinez etortzea da. 10 minutuko ibilaldi atsegina da hondartzara eramango zaituena.
Bestalde, aurrean dugun Saturrarango hondartzak aparkaleku handi bat du. Bi hondartzak elkartzen dituen pasealekutik 5 minututan iritsiko zarete Arrigorri hondartzara. Mutrikuko udalak kontrolatzen duen aparkaleku honetan aparkatzeko, uda garaian, ordaindu beharra dago.
Eguzkitako krema, toalla, uretako arropa egokia (bainujantzia, kamiseta, neoprenoa…) eta aldatzeko arropa.
Egun pasa etortzeko asmoa baduzue, aukera zabala aurkituko duzue Ondarroako jatetxe eta tabernetan, pintxo, parrila, plater edo kazuelitak dastatzeko. Osatu zuen eguna bertako gastronomia dastatuz.
Kokapena
Arrigorri kalea 1, Ondarroa
GAZTE TXARTELA
%10 eko DESKONTUA
10% beherapena kayak eta padel surf ibilbide gidatuetan, ikastaroetan eta Big SUP jardueran.
Arrigorri hondartza
48700 Ondarroa
Bizkaia, País Vasco