Kayak eta Paddle Surf ibilbideak diseinatu ditugu, Kantauri itsasoak bustitako kostaldearen zati honek gordetzen dituen sekretu ederrenak ezagutzeko. Helburu nagusia, jarduera dibertigarri batez gozatzen dugun bitartean, inguratzen gaituen paisaiaren edertasunaz gozatzea izango da.

Kayak eta Pddle Surf hastapen saioak, jarduerez modu autonomoan gozatzen ikasteko ezagutzak lantzera bideratuta daude. Ikasleak oinarrizko teknikak barneratu ahala, ariketa konplexuagoak proposatuko dira; azkenik ibilbide labur batekin saioari amaiera emanez.

Udako goizetarako prestatutako ur kirolen jarduera programa trinkoa da. Lan talde profesional batek bideratuta, ikasleek Kayak eta Paddle Surf-a praktikatuko dituzte goizero, beste jarduera osagarri batzuekin batera.

Materiala ezagutzen dutenek, beraiek diseinatutako ibilbide bat egiteko aukera izango dute,materialaren alokairu zerbitzuari esker; familian edo lagun artean aritzeko aukera paregabea.

Enpresa, ikastetxe edo lagun talde handi bat bazarete, zuen neurrira egokitutako jarduerak ditugu Ondarroan.

Uretan, dibertigarria, famimilia guztiarentzat? Bai, KOASTA-n ezaugarri guzti hauek betetzen dituen jarduera dugu. Paddle surf erreldoia edo Big SUP-a. Taldean probatzeko aproposa, bakoitzak pala bat hartuta eta taula gainean zutik, denak batera egin beharko duzue arraun. Hau bai erronka latza!